Urologiya şöbəsi

APPRO Hospitalın Urologiya şöbəsi, qadın və kişilərdə sidik ifrazat sistemi xəstəlikləri — böyrəklər, sidik axarları, sidik kisəsi və sidik kanalı ilə bağlı problemlərin diaqnostika və müalicəsi üzrə ixtisaslaşmışdır.
Şöbənin nəzdində fəaliyyət göstərən Andrologiya bölməsi isə kişi cinsiyyət orqanlarının xəstəliklərinin diaqnostikası və müalicəsini həyata keçirir.
Şöbəmiz müasir tibbi avadanlıqlarla təchiz olunmuşdur. Burada yüksək ixtisaslı uroloq və uroloq-androloq həkimlərimizin təcrübəsi sayəsində, qısa müddət ərzində bütün uroloji (sidik-ifrazat sistemi) və androloji (kişilərdə cinsi funksiyaların pozğunluqları) xəstəliklərin dəqiq diaqnostikası və effektiv müalicəsi aparılır.

Urologiya şöbəsində müayinə və müalicə olunan xəstəliklər Sidikçıxarıcı yolların və böyrəklərin daşları:
  • Qapalı litotripsiya və litoekstraksiya:
    • Distansion zərbə dalğalı litotripsiya (ESWL)
    • Lazer və pnevmatik ureterolitotripsiya
    • Ultrasəs litolapaksiya
  • Açıq və laparoskopik daş əməliyyatları
  • Endoskopik və açıq sidik kisəsi əməliyyatları
Sidikçıxarıcı yolların və böyrəklərin şişləri:
  • Açıq tam və hissəvi nefrektomiyalar
  • Prostat vəzi xərçənginin radikal cərrahi müalicəsi
Kişilərdə cinsi funksiyaların pozulması və sonsuzluq:
  • Cinsi zəifliyin diaqnostikası və dərman/cərrahi müalicəsi
  • Peyroni xəstəliyinin müalicəsi
  • Xaya biopsiyası və toxum materialının götürülməsi
  • Kişi sonsuzluğu və mikroskopik androloji problemlərin (varikosel və toxum kanallarına dair əməliyyatlar) aradan qaldırılması
Funksional pozğunluqlar:
  • Urodinamik müayinə (sistometriya)
  • Sidik saxlaya bilməmənin minimal invaziv üsullarla müalicəsi
Prostat vəzi xəstəlikləri:
  • Qapalı (TUR) və açıq prostat əməliyyatları
  • Prostat biopsiyası
Sidikçıxarıcı yolların zədələnmələrinin cərrahi müalicəsi Stent və nefrostoma yerləşdirilməsi Klassik və endoskopik uroloji əməliyyatlar:
  • Prostatın və sidik kisəsinin TUR əməliyyatları
  • Sidik kisəsi və böyrək daşlarının, həmçinin şişlərinin endoskopik aradan qaldırılması
Sidik saxlaya bilməmənin müalicəsi:
  • Həm qadın, həm də kişilərdə sidik saxlamazlığın tibbi və cərrahi yolla effektiv müalicəsi